Es Shehr-E-Khrabi Main Halaat K Mary Hain
Hum Ooj-E-Suraiya Se Tooty Howe Taary Hain
Jo Kuch Bhi Howa Hai Ab Ik Roz To Hona Tha
Kia Tum Se Karen Shikwa Gardish Main Sitary Hain
Ik Shehr Me Rah K Bhi Hum Tum Se Juda Yun Hain
Aapas Me Juda Jesy Darya K Kinary Hain
Apnon Se Adawat Hai Ghairon Se Mohabbat Hai
Duniya Se Niralay Sab Andaz Tumhary Hain
Yaadon K Andhery Me Sathi Hain Mery Gham K
Aakash Pe Jitny Bhi Chand Aur Sitaary Hain
Tanha Thy Na Tanha Hain Es Shehr-E-Mohabbat Main
Allah Ki Rahmat Hai Ghairon K Sahaary Hain
Kashti Hai Mohsin Apni Mojoon K Talatum Me
Toofan Hai Qiyamat Ka Aur Zoor K Dhaary Hain......
No comments:
Post a Comment