Kahen Karty Nahi Izhaar Chup Hain

Kahen Karty Nahi Izhaar Chup Hain
Hamain Tou Hukam Hai Sarkar Chup Hain

 Kahani Kuch Batana Chahti Hai
 Magar Is K Sabhi Kirdaar Chup Hain

 Bohat Hai Barish-E-Sung-E-Malamet
 Magar Hum Surat-e-Kuhsaar  Chup Hain

 Abhi Tak Hai Buhat Mehfooz Qatil
 K Maqtal K Der-O-Dewaar Chup Hain

 Pata Rahzun Ka Khalqat Pochti Hai
 Magar Basti K Pahray Daar Chup Hain

 Wohi Musam Wohi Zanjeer-e-Shab Hai
 Magar Ye Log Kyon Is Baar Chup Hain..!!

Khayaal_O-Khwaab K Manzar Sajaana Chahta Hai

Khayaal_O-Khwaab K Manzar Sajaana Chahta Hai
Ye Dil Jeenay Ka Ik Taaza Bahana Chahta Hai

Roshnion K Saaray Manzar Jhootay Lagtay Hain
Laikin Oski Aankh K Aansuu Sachay Lagtay Hain

Ik Chaadar Sakhan He Bacha Kar Nikal Chalain
Rasta Milay Tou Sheher Sy Baahir Nikal Chalain

Marqad-e-Ishq Pe Ab Aur Na Roya Jaaye
Raat Ka Pichla Peher Hai Chalo Soya Jaaye..!!

Mujy Khud Sy Hein Shikaytein Mujy Zindagi Sy Gilla Nehe

Mujy Khud Sy Hein Shikaytein Mujy Zindagi Sy Gilla Nehe
K Jo Chaha Me Ny Wo Paa Liya Nehe Aisa Kuch Jo Milla Nehe

Mery Aas Paass Hai Roshni Mery Raaston Mein Chiraagh Hein
Ye Tery Karam Ka Hai Moojza Mere Justuju Ka Silla Nehe

Tere Aankh Sy Jo Haseen ho Wo Nigah Jag Mein Bani Nehe
Tery Rukh Ko Jis Sy Misaal Doon Koi Aisa Phool Khilla Nehe

Ye Jo Tere Zulf Ka Hai Haashiya Ye Jo Tera Chehra Khushnuma
Koi Raat Aise Siyah Nehe Kisi Suboh Mein Ye Jilla Nehe

Ye Jo Mehr_O_Mah Ki HeiN Haaltein Ye Jo Aasion Ki Hein Harkatein
Hein Azzal Sy Ye Ese Tarah Koi Apni Jaa Sy Hilla Nehe..!!

Tujh Sy Ab Or Mohabat Nehe Ki Ja Sakti

Tujh Sy Ab Or Mohabat Nehe Ki Ja Sakti
Khud Ko Itni B Aziyat Nehe Di Ja Sakti

Janty Hein K Yaqeen Toot Raha Hai Dil Par
Pher b Ab Tarq Ye Wehshat Ki Nehe Ja Sakti

Hasass K Shehar Hai Or Es Mein Kisi B Sorat
Saans Leny Ki Saholat Nehe De Ja Sakti

Roshni K Liye Darwaza Khula Rakha Hai
Shab Sy Ab Koi Ijaazat Nehe Li Ja Sakti

Ishq Ne Hijjar Ka Azaar To Dy Rakha Hai
Es Sy Barh Kar To Reayat Nehe De Ja Sakti..!!

Labon Py Phool Khiltay Hain Kisi K Naam Sy Pahly

Labon Py Phool Khiltay Hain Kisi K Naam Sy Pahly
Diloan K Deep Jalty Hain Charagh-E Shaam Sy Pahly

Kabi Manzar Badalny Par Bhi Qissa Chal Nahi Pata
Kahani Khatam Hoti Hai Kabi Anjaam Sy Pahly

Yehi Taary Tumhaari Aankh Ki Chilman Mein Rehty Thy
Yehi Sooraj Nikalta Tha Tumhary Baam Sy Pahly

Hui Hai Shaam Jungle Main Parindy Loutty Hongy
Ab In Ko Kis Tarah Rokein Nawaah-E-Daam Sy Pahl

Ye Saary Rang Murdaa Thy Tumhaari Shakal Banny Tak
Ye Saary Harf Muhmal Thy Tumhaary Naam Sy Pahly

Hua Hai Wo Agar Munsif To  Ihtiyatan Ham
Sazaa Tasleem Karty Hain Kisi Ilzam Sy Pahly..!!

Taskeen Na Ho Jis Sy Wo Raaz Badal Dalo

Taskeen Na Ho Jis Sy Wo Raaz Badal Dalo
Jo Raaz Na Rakh paye Hamraaz Badal Dalo

Tum Ny B Suni Ho Ge Bari Aam Kahawat Hai
Anjaam Ka Jo Ho Khatra Aaghaz Badal Dalo

Pur_Soz Dilon Ko Jo Muskaan Na Dy Paye
Sur He Na Mily Jis Mein Wo Saaz Badal Dalo

Dushman K Iraadon Ko Hai Zahir Ager Karna
Tum Khail Wohi Khealo Andaaz Badal Dalo

Aay Dost Karo Himat Kuch Dooor Sweara Hai
Ager Chahty Ho Manzil To Parwaaz Badal Dalo..!!

Paikar Tha Wafa Ka Mohabat Ka Khuda Tha

Paikar Tha Wafa Ka Mohabat Ka Khuda Tha
Wo Shakhas Zamany Mein Sab Sy He Juda Tha

Chahat K Khazany They Har Lafz Mein Us K
Daman Mera Us Ny Duaon Sy Bhara Tha

Mujh Ko Nehe Daikha Kardi Dhoop Ny Chu Kar
Baba Mera Dunia Mein Mujhy Aisa Jo Mila Tha

Fikrein Na Zamany Ki Kabi Paas B Aaien
Har Dard mere Hasti Sy Darta He Raha Tha

Jab Tak Raha Sanson Ka Basera Mery Baba
Tab Tak Me Ghamoon Sy Bachta He Raha Tha

Us Shaam kI Hiddat Mery Dil Nehe Jati
Jis Shaam Tera Saaya Mery Sar Sy Utha Tha..!!

Tujhy Izhar-E-Mohabbat Sy Agar Nafrat The

Tujhy Izhar-E-Mohabbat Sy Agar Nafrat The
Tu Ny Honton Ko Laraznay Sy To Roka Hota

Bay Niazi Say Magar Kaanpti Aawaz K Saath
Tu Ny Ghabra K Mera Naam Na Poocha Hota

Tery Buss Main The Agar Mashal-e-jazbaat Ki Lou
Tery Rukhsaar Main Gulzaar Na Bharlaa Hota

Yon To Hawein Mujh Sy Buss Aa-o-Hawa Ki Batein
Apny Tooty Huye Fiqron Ko To Parkha Hota

Yon He Bay Waja He Thaknay Ki Zarurat Kya The
Dam-e-Rukhsat Agar Kuch Yaad Na Aaya Hota

Tera Ghammaz Bana jo Tera Andaz-e-jurm
DiL Na Sumbhla Tha To Qadmon Ko Sumbhala Hota

Apnay Badly Meri Tasveer Nazar Aa jati
Tu Ny Us Waqt Agar Aaiena Daikha Hota

Hoosla Tujh Main Na Tha Mujh Sy juda Honay Ka
Warna Kaajal Tere Aankhon Main Na Pheala Hota..!!

Koi Mosam Ho Dil Mein Hai Tumhari Yaad Ka Mosam

Koi Mosam Ho Dil Mein Hai Tumhari Yaad Ka Mosam
K Badla He Nahe Jana Tumharay Baad Ka Mosam

Nahe To Aazma K Daikh Lo Kaisy Badalta Hai
Tumharay Muskaranay Sy Dil-e-Nashaad Ka Mosam

Kaheen Sy Us Haseen Awaaz Ki Khusbuu Pukaaray Gi
To Es K Saath Badlay Ga Dil-e-Barbaad Ka Mosam

Qafas K Baam-o-Dar Mein Roshni Si Aayi Jaati Hai
Chaman Mein Aa gaya Shayad Lab-e-Aazaad Ka Mosam

Mere Sheher-e-Pareshaan Mein Teri Be-Chaand Raaton Mein
Bohat He Yaad Karta Hun Teri Bunyaad Ka Mosam

Na Koi Gham Khizaan Ka Hai Na Khwaahish Hai Bahaaron Ki
Hamaray Saath Hai  Kisi Ki Yaad Ka Mosam..!!

Raaston Mein Rehay Na Ghar Mein Rehay

Raaston Mein Rehay Na Ghar Mein Rehay
Umer Bhar Haalat-e-Safar Mein Rehay

Lafz Saaray Charaagh Ban Jayein
Vasf Aisa Mery Hunar Mein Rehay

Zeher Saara Shajar Mein Aa Jaye
Aay Khuda Zindagi Samar Mein Rehay

Is Liye Gardishon Ko Paala Hai
Koi To Halqa-e-Asar Mein Rehay

Ek Zamaana Gharon Mein Tha Aabaad
Be-Ghar Ham Teri Nazron Mein Rehay..!!

Kaisy Aaye Ga Tery Khad-o-Khaal Ka Mosam

Kaisy Aaye Ga Tery Khad-o-Khaal Ka Mosam
Qismaton Mein Jab Likha Hai Zawaal Ka Mosam

Kis Ne Khail Khaila Hai Kis Ne Hijjr Jhaila Hai
Ab Guzar Gaya Jaanan Is Sawaal Ka Mosam

Kis Tarah Sy Mumkin Tha Ik Shaakh Per Khiltay
Me K Hijjr Ka Lamha To Visaal Ka Mosam

Dil K Ab Tu Sehra Hai Or Aisy Sehra Mein
Jaanay Kab Talak Thehry Ab Malaal Ka Mosam

Aaj Tak Bhi Thehra Hai Dil Ki Rehguzaaron Per
Tere Lams Ka Tere Khad-o-Khaal Ka Mosam

Hum Kubhi To Dekhain Gy Wehshaton K Sehra Mein
Aay Khuda Mohabbat Ke Aitedaal Ka Mosam..!!

Lahoo Tak Aankh Sy Ab Beh Liya Hai

Lahoo Tak Aankh Sy Ab Beh Liya Hai
Bohat Tha Jabar Leikin Seh Liya Hai

Azaab-e-Hijjr Ab Wapis Palat Ja
Bohat Din Saath Merr Reh Liya

Nami Aankhon Sy Jaati He Nahi Hai
Sitam Is Dil Ny Itna Seh Liya Hai

Tujhy Kehna Tha Jo Ehwaal Dil Ka
 Dar-o-Deewaar Sy Hee Keh Liya Hai..!!

Khauf Ki Shab Mein Hont Seenay Sy

Khauf Ki Shab Mein Hont Seenay Sy
Marna Behtar Hai Aisay Jeenay Sy

Kuch To Qaayim Rahay Anaa Ka Bharam
Daikkhna Hai Usy Qareenay Sy

Yon Tamasha To Usko Hona Tha
Jo Giri Aarzoo K Zeenay Sy

Kuch Hawaaon Ka Aitbaar Nahi
Warna Kya Khauf Us Safeenay Sy

Dil Ka Ab Talkhion Sy Naata Hai
Lutf Laita Hai Zeher Peenay Sy..!!

Umer Raaigaan Kardi Tab Ye Baat Maani Hai

Umer Raaigaan Kardi Tab Ye Baat Maani Hai
Mout Or Mohabbat Ki Ek He Kahani Hai

Khail Jo Bhi Tha Jaanan Ab Hisaab Kya Karna
Jeet Jis Kisi Ki Ho Ham Ny Haar Maani Hai

Vasl Per Bhe Naadim Thay Hijr Par Bhi Sharminda
Wo Bhi Raaigaani Thi Ye Bhi Raaigaani Hai

Ye Mera Hunar Teri Khusbuoun Sy Waabasta
Mery Saaray Lafzon Per Teri Hukmarani Hai

Jaanay Kon Shehzaada Kab Chura K Le Jaaye
Wo Jo Apne Aangan Mein Khusbuoun Ki Rani Hai..!!

Bohat Aaraam Karna Chahti Hun Yehi Ek Kaam Karna Chahti Hun

Bohat Aaraam Karna Chahti Hun
Yehi Ek Kaam Karna Chahti Hun

Shaoor-e-Aagahi Ek Almiaa Hai
Esy Neelaam Karna Chahti Hun

Mein Apni Umer K Saaray Asaasay
Tumhary Naam Karna Chahti Hun

Tumharay Khaima-e-Khushbuu Mein Reh Kar
Me Subaah-o-Shaam Karna Chahti Hun

Chiraaghon Sy Hawa Ki Dushmani Hai
Esy Naakaam Karna Chahti Hun..!!

Ek Shab-e-Mehtaab Sy Bhaagtay Phirtay Hain

Ek Shab-e-Mehtaab Sy Bhaagtay Phirtay Hain
Ham Kyun Apny Aap Sy Bhaagtay Phirtay Hain

Pyaas Ki Shiddat Honton Ki Taqdeer Hui
Or Ham Qatraa-e-Aab Sy Bhaagtay Phirtay Hain

Shaam Dhalay Saari Choupaalain Sajti Hain
Ham Apny Ehbaab Sy Bhaagtay Phirtay Hain

Khushbuu Ki Tehreer Badan Per Likhi Hai
Or Safaid Gulaab Sy Bhaagtay Phirtay Hain

Ik Kitaab Liye Phirtay Hain Haathon Mein
Or Zar-o-Asbaab Sy Bhaagtay Phirtay Hain

Unhain Kisi Taabeer Ki Khwaahish Kia Hogi
Loog Jo Arsaa-e-Khwaab Sy Bhaagtay Phirtay Hain

Aankhon Mein Be-Taab Samandar Hai Phir Bhi
Jaanay Kis Gardaab Sy Bhaagtay Phirtay Hain..!!

Shaam Ko Sogwaar Kartay Rahay

Shaam Ko Sogwaar Kartay Rahay
Ham Tera Intezaar Kartay Rahay

Tu Tou Kaar-e-Jahan Mein Tha Masroof
Or Hum Tujh Sy Pyaar Kartay Rahay

Kis Liye Vasl Ki Kahani Mein
Hijjr Ko Hissydaar Kartay Rahay

Dil Ko Bas Mubtala-e-Gham Rakha
Wehshaton Ka Shumaar Kartay Rahay..!!

Dhoop K Dasht Mein Sheeshay Ki Ridaien De Hein

Dhoop K Dasht Mein Sheeshay Ki Ridaien De Hein
Zindagi Tu Ny Hamein Kaisi Sazaien De Hein

Sholon Jaisi He Atta Ki Hein Sulagti Boondein
Aag Barsaati Hui Hamein Ghattaien De Hein

Ek Dua-Go Ne Rafaqat Ki Tassali Dy Kar
Umer Bhar Hijjar Mein Jalny Ki Sazaien De Hein

Dil Ko Bujhny Ka Koi Bahana Darkaar Tu Tha
Dukh Tu Ye Hai Tery Daman Ne Hawaien De Hein


Kaisa Mahool Mila Hai Hamein Jeeny K Liye
Deny Waly Ne Hamein Kaisi Fizaaien De Hein..!!

Na Shaaoor Mein Jawani Na Khyaal Mein Rawani

Na Shaaoor Mein Jawani Na Khyaal Mein Rawani
Koi Dun K Kya Kary Ga Mere Dukh Bhari Kahani

Na Zawaal Nagehani Na Arooj Jawdaani
Mere Zindagi Ka Unwan Faqat Aik Lafz Fani

Ye Shikast Ka Jahanum Kahein Pher Bharak Na Uthay
Mery Ishq K Khandar Par Na Karein Wo Gulfishani

Na Gumaan_E_Yaar In Par Na Jamal_E_Yaar In Mein
Tery Kokab_O_Kamar Sy Na Behal Saki Jawani

Mujy Or Zindagi Dy K Hai Dastaan Adhoori
Mere Mout Sy Na Hogi Mery Gham Ki Tarjumani..!!

Ye Kya K Ishq Karon Pass_E_Aabro Na Karon

Ye Kya K Ishq Karon Pass_E_Aabro Na Karon
Me Tujy Ko Kho K Khuda Ki B Justaju Na Karon

Me Intzaar_E_Tuluu_E_Sehar Mein Jeeta Hun
Me Apna Chaak_E_Girebaan Koobi Raffu Na Karon

Tu Sirf Jism Nehe Hai Waraa_E_Jism B Hai
Me Tujh Ko Paa K b Kyun Tere Aarzoo Na Karon

Ye Mashwary To Mery Tark_E_Shair K Hein
K Jab B Shair Kahon Dil Laho Laho Na Karon..!!

Itna Dushwar Nehe Mout Ko Taaly Rakhna

Itna Dushwar Nehe Mout Ko Taaly Rakhna
Sar Jo Katt Jaye Tu Dastaar Sambhaly Rakhna

Chot Khana Magar Es Tarah K Lodhy Uthey
Zulmat_E_Gham Esi Tary Sy Ujaly Rakhna

Apny Ahbaab Ko Seeny Sy Lagaye Pherna
Aik Khanjar B Jaib Mein Daaly Rakhna

Mere Pehchan Mery Peer Hein Zakham Sy Hein
Ab B Azaaz Sehe Shaal Sy Do Shaly Rakhna

Dasht Ehsaas Ki Hiddat b Qayamat hai
Kuch Zaroori To Nehe Paon Mein Chaly Rakhna..!!

Dil Hai Aaiena_E_Hairat Sy Do Chaar Aj Ki Raat

Dil Hai Aaiena_E_Hairat Sy Do Chaar Aj Ki Raat
Gham_E_Douran Mein Hai Aks_E_Gham_E_Yaar Aj Ki Raat

Aatish_E_Gul Ko Daaman Sy Havaa Deti Hai
Didani Hai Ravish_E_Mouj_E_Bahar Aj Ki Raat

Aj Ki Raat Ka Mahama Hai Malbos_E_Harir
Es Chaman_Zaar Mein Ugtey Hein Sharar Aj Ki Raat


Me Ny Farhad Ki Aagosh Mein Sherein Daikhi
Me Parvez Ko Daikha Hai Sar_E_Daar Aj Ki Raat

Jo Chaman Sarf_E_Khizaan Hein Wo Bulaaty Hein Mujhy
Mujh Sy Aankhein Na Lara Ajj Ki Raat

Mashaal_E_Shehar Ka Laya Hua Charhava
Jagmagatey Hein Shahedon K Mizaar Aj Ki Raat..!!

Bila Jawaaz Rakhain Khud Ko Beqaraar Be Kiun

Bila Jawaaz Rakhain Khud Ko Beqaraar Be Kiun
Jo Tu Nahe Hai Tou Phir Tera Intezaar Be Kiun

Akailay Pan Ka Safar Jab Mera Muqaddar Hai
Tu Phir Ay Waada-Shikan Tera Intezaar Be Kiun

Osy Ganwa K Ab Rahon Khizaaon Ki Zad Mein
Jo Wo Nahe Hai Tou Phir Mausam-e-Bahaar Be Kiun

Agar Bhulaaye Howay Usko Ek Umar Hoi
Tou Phir Ye Aaj Tabiyat Hai Sogwaar Be Kiun

Jab Usko Shouq Tha Raston Ki Dhool Honay Ka
Palat Kar Daikhta Jaata Tha Baar Baar Be Kiun..!!

Kuch Bi Kar Guzarnay Mein Dair Kitni Lagti Hai

Kuch Bi Kar Guzarnay Mein Dair Kitni Lagti Hai
Baraf K Pighalnay Mein Dair Kitni Lagti Hai

Us Ny Hanas Kar Dekha Tu Muskura Diye Ham Be
Zaat Sy Nikalnay Mein Dair Kitni Lagti Hai

Hijjr Ki Tamaazat Sy Wasal Ke Alao Tak
Lakrion Ky Jalnay Mein Dair Kitni Lagti Hai

Baat Jaisi Be-Maainy Baat Aur Kia Hogi
Baat K Mukarnay Mein Dair Kitni Lagti Hai

Kitna Kartay Ho Ik Charaagh Per Apny
Aur Hawa K Chalnay Mein Dair Kitni Lagti Hai

Jab Yaqeen Ki Baanhon Per Shak K Paaon Parr Jayein
Choorian Bikharnay Mein Dair Kitni Lagti Hai..!!

Usy Me Ny He Likha Tha K

Usy Me Ny He Likha Tha K
Lehjy Berf Ho Jain Tu Pighla Nehe Karty

Parinday Dar K Urr Jain
Tu Pher Louta Nehe Karty

Usy Me Ny He Likha Tha

Yaqeen Uth Jaye Tu Shayed
Kabi Wapis Nehe Aata

Hawaon Ka Koi Toofan
Kabi Barish Nehe Laata

Usy Me Ny He Likha Tha

Kabi Pher Jurr Nehe Paata
K Sheesha Toot Jaye Tu

Jo Rasty Sy Bhatak Jaye
Wo Wapis Murr Nehe Paata

Usy Kehna Wo Adhoora Khat
Usy Me Ny He Likha Tha

Usy Kehna K Deewany
Mukamal Khat Nehe Likhty..!!

Ye Jo Toofan Dikhai Daita Hai Mera Armaan Dikhai Daita Hai

Ye Jo Toofan Dikhai Daita Hai
Mera Armaan Dikhai Daita Hai

Haal Pocha Hai Hawa Ny Shayad
Jo Shoola Pareshan Dikhai Daita Hai

Lehron Sy Aks Chunny Aya Hon
Kitna Naadaan Dikhai Daita Hai

Para Hai Sehra Mein Jo Zakhmon Sy Choor
Wafa Ka Anwaan Dikhai Daita Hai

Zarori Nehe Ho Es Tarah Sy He Sab
Jo Mere Jaan Dikhai Daita Hai

Ye Dil Kisi Ko Kuch Samjhta Na Tha
Par Tum Par Qurbaan Dikhai Daita Hai

Sooraj Pass B Hamein Zulfi
Tera Emaan Dikhai Daita Hai..!!

Apny Apny Naseeb Hein Pyaray Silsily Ye Ajeeb Hein Payary

Apny Apny Naseeb Hein Pyaray
Silsily Ye Ajeeb Hein Payary

Khali Jhooli Hai Jalti Aankhon Ki
Ab To Itny Ghareeb Hein Payary

Hans K Seh Ja Ye Gham Zamany K
Zindgi K Naqeeb Hein Payary

Pooch Na Ye Wafaon K Raasty
Baray Annokhay Ajeeb Hein Payary

Jin Ko Hoti Hein Hahishein Payari
Sath Rakhty Saleeb Hein Payary

Us Sy Utny He Door Hein Zulfi
Jis K Jitny Qareeb Hein Payary..!!

Jab Roh Mein Thakan Ho Sajday Mein Ger Paro

Jab Roh Mein Thakan Ho Sajday Mein Ger Paro
Dil Mein Bari Chuban Ho Sajday Mein Ger Paro

Nakamion Mein Raat Din Raston Ki Haank Sy
Jab Choor Choor Bandan Ho Sajday Mein Ger Paro

Jab Apny Khooj Mein Tum Utro Apni He Khooj Mein
Gar Seeny Mein Ghutan Ho Sajday Mein Ger Paro

Dil Reaza Reaza Ho Ager Tabusum K Zehar Sy
Honton Ko B Jalan Ho Sajday Mein Ger Paro

Maali Ny Kaha Mujy Ek Gul Ko Nooch Kar
Baharon Ka Ye Chalan Ho Sajday Mein Ger Paro

Usay Yaad Or Bholny Ka Jab Kabi Yaaro
Har Marhala Kathan Ho Sajday Mein Ger Paro

Manzil K Aas Pass Jab Raston K Tan Py Dost
Kaanton Ka Pairhen Ho Sajday Mein Ger Paro

Sataany Lagy Jab Tumhein Andar K Aadmi
Bahir Lagi Aggan Ho Sajday Mein Ger Paro

Ban Jaien Jab Tumhara Naakamiyan Naseeb
Tamannaon Py B Joban Ho Sajday Mein Ger Paro

Aamaal Ka Daikhon Jab Hasti K Sar Py Tum
Toota Hua Darpan Ho Sajday Mein Ger Paro

Zulfi Parha Hai Me Ny Ye Achi Kitabon Mein
Jab Shar_E_Misl_Ban Ho Sajday Mein Ger Paro..!!

Wo Sunta Tu Me Kehta Mujy Kuch Or Kehna Tha

Wo Sunta Tu Me Kehta Mujy Kuch Or Kehna Tha
Wo Pal Bhar Ko Jo Ruk Jata Mujy Kuch Or Kehna Tha

Kamai Zindagi Bhar Ki Usi K Naam Tu Kar Di
Mujy Kuch Or Kehna Tha Mujy Kuch Or Kehna Tha

Kahan Us Ny Suni Mere Suni B Un_Suni Kar De
Usay Maloom Tha Itna Mujy Kuch Or Kehna Tha

Mery Dil Mein Jo Dar Aaya Koi Mujh Mein B Dar Aaya
Waheen Ek Rabta Toota Mujy Kuch Or Kehna Tha

Rawan Tha Pyaar Nus Nus Mein Bohat Qurbat The Apas Mein
Usy Kuch Or Sunna Tha Mujy Kuch Or Kehna Tha

Galat Fehmi Ne Baton Ko Barha Dala Yonhe Warna
Kaha Kuch Tha Wo Kuch Samjha Mujy Kuch Or Kehna Tha..!!

Kuch Faisla Tu Ho K Kidhar Jana Chahye

Kuch Faisla Tu Ho K Kidhar Jana Chahye
Paani Ko Ab Tu Sar Sy Guzar Jana Chahye

Har Baar Diyon Py Gira Hai Mera Laho
Maqtal Mein Ab Ba_Tarz_E_Digar Jana Chahye

Kya Chal Sakenge Jin Ka Faqat Malaa Ye Hai
Jany Sy Pehly Rakhta_E_Safar Jana Chahye

Sara Javar Bhata Mery Dil Mein Hai Magar
Ilzaam Ye Be Chand K Sar Jana Chahye

Jab Be Gaya Azaab_E_Dar_O_Baam Tha Wohi
Aakhir Ko Kitni Dair Sy Ghar Jana Chahye

Tohmat Laga K Maan Py Jo Dushman Sy Daad Li
Aisa Sukhan Farosh Ko Mar Jana Chahye..!!

Mujhy Aazad Kar Do Na K Mai Hun Qaid Barson Sy

Mujhy Aazad Kar Do Na
K Mai Hun Qaid Barson Sy
Judaai Ki Azziat Mein
Zehar Bhar Dy Gi Ye Dunia
Meri Naazuk Tabiyat Mein

Na Do Ab Hosla Mujh Ko
Bata Do Raasta Mujh Ko
Koi Bahir Niklny Ka
Hawa Main Phir Sy Urnay Ka

Mujhy Us Dais Jana Hai
Jahan Panchhi Utrtay Hain
Jahan Moasam Badalty Hain

Meri Banjar Sy Aankhon Mein
Meri Be Taab Saanson Mein
Koi To Rang Bhar Do Na

Mujhy Aazad Kar Do Na
Mujhy Aazad Kar Do Na..!!

Mera Ehsaas Mat Cheeno Wo Jazbay Cheen Lo Mujh Sy

Mera Ehsaas Mat Cheeno
Wo Jazbay Cheen Lo Mujh Sy

Jo Mery And Mere Roh Mery Dil Mein Basty Hein
Jinhein Khud Mein Samony K Liye Seeny Tarasty Hein
Wo Lamhy Cheen Lo Mujh Sy

Jo Mery Zehan Ki Taarekion Mein Shamma Roshan Hai
Mere Khilwat Ki Khushbo Hai Mere Yaadon Ka Gulshan Hai
Wo Chehra Cheen Lo Mujh Sy

Jo Khal_O_Khad Nehe Ab Aaiena Hein Mere Seerat Ka
Jo Har Pehlo Sy Aks Zofishan Hein Mere Soorat K
Wo Rishty Cheen Lo Mujh Sy

Jo Mery Zehan_O_Dil Mein Roshni K Beej Booti Hein
Jo Rag Rag Mein Laho Ki Chap Sy Mansoob Hoty Hein
Wo Aankhein Cheen Lo Mujh Sy

Jo Mere Roh Ka Noha Hein Mere Zaat Ke Lehja
Jahan Dhalta Hai Aainon Mein Ehsasat Ka Lehja
Wo Sapna Cheen Lo Mujh Sy

Jo In Weeran Aankhon Mein Abi Tak Jagmagaty Hein
Abi Tak Sand Laty Hein Abi Tak Muskuraty Hein
Ya Sab Kuch Cheen Lo Mujh Sy

Magar Aay Zalimo Mujh Sy Mera Ehsaas Mat Cheeno
Talab Ki Aas Mat Cheeno

Jo Mery Zabt Ki Pehchaan Hai Wo Piyaas Mat Cheeno
Mera Ehsaas Mat Cheeno..!!

Ab Jo Louty Ho Itny Saalon Mein

Ab Jo Louty Ho Itny Saalon Mein
Dhoop Utri Hui Hai Baalon Mein

Tum Mere Aankh K Samandar Mein
Tum Mere Roh K Ujaalon Mein

Phool He Phool Khil Uthay Mujh Mein
Kon aya Mery Khyaalon Mein

Me Ny Ge Bhar K Tujh Ko Daikh Liya
Tujh Ko Uljha K Kuch Sawalon Mein

Mere Khushion Ki Kainaat Be Tu
Tu He Dukh Dard K Hawaalon Mein

Jab Tera Doston Mein Zikar Aya
Theess Uthti Hai Dil Ke Chaalon Mein

Tum Sy Aabaad Hai Ye Tanhai
Tum He Roshan Ho Gher K Jaalon Mein

Sanwali Shaam Ki Tarah Hai Wo
Wo Na Goron Mein ha Na Kaalon Mein

Kya Usy Yaad Aa Raha Hon
Rang Ubhary Hein Us K Gaalon Mein..!!

Chalo Ab Roothna Choro Chalo Ranjish Bhula Be Do

Chalo Ab Roothna Choro
Chalo Ranjish Bhula Be Do

Muhabat Tum Be Karty Ho
Muhabat Ham Be Karty Hein

Tu Pher Ye Roothna Kaisa
Tu Pher Ye Ranjishein Kaisi

Tumhary Pass Sab Kuch hai
Ye Doolat Hai Ye Shohrat Hai

Mery Daaman Mein Mere Jaan
Sirf Tere Muhabat Hai

Mujy Bass Itna He Kehna Hai
Tumhary Pass Rehna Hai

Chalo Ab Roothna Choro
Chalo Ab Ranjishein Choro..!!

Mere Har Nazar Terr Muntazir Tere Har Nazar Kisi Or Ki

Mere Har Nazar Terr Muntazir
Tere Har Nazar Kisi Or Ki

Mere Zindagi Tere Bandagi
Tere Zindagi Kisi Or Ki

 Kabi Waqat Jo Mily Tujy Zara
Aa K Daikh Mery Haal Ko

Mere Har Ghari Tery Liye
Tere Har Ghari Kisi Or Ki

Mujhy Sirf Tere Talab The
Par Jany Kyun Tujhy Kisi Or Ki..!!

Koi Tu Hota Me Jis K Dil Ki Kitaab Banta

Me Jis K Dil Ki Kitaab Banta
Me Jis Ki Chahat Ka Khwaab Banta
Me Hijjar Mosam Ki Lambi Raaton Mein
Yaad Ban Kar Azaab Banta

Koi Tu Hota

Jo Mere Khwaahishon Mein Uth Kar Raaton Ko Roota
Dukhon Ki Chadar Lapait Kar Hajoom_E_Dunia Sy Door Hota
Me Rooth Jata Mannata Mujh Ko
K Chahy Mera Qasoor Hota

Koi Tu Hota

Me Jis K Itna Qareeb Hota
Ne Pass Koi Raqeeb Hota
Me Itna Us Ka Habib Hota
Ye Silsila Be Ajeeb Hota

Koi Tu Hota..!!

Lout Aao Na Mery Yaar Zamany K Liye

Tanzz Karty Hein Jo Lon Un Ko Dikhany K Liye
Lout Aao Na Mery Yaar Zamany K Liye

Es Liye Be Tere Tasveer Jala De Me Ny
Or Kuch Tha He Nehe Dil Ko Jalany K Liye

Tery Baais He Tu Sakty Ka Hai Aalm Taari
Khud Ko Naraaz Kiya Khud Ko Manany K Liye

Aaj Pher Shaam Guzri Hai Usi Jangle Mein
Un Darakhton Sy Tera Naam Mitany K Liye..!!

Me Tery Lab Py Hon Daireena Shikayat Ki Tarah

Me Tery Lab Py Hon Daireena Shikayat Ki Tarah
Yaad Rakha Hai Tu Ny Mujh Ko Adawat Ki Tarah

Chand Nikly Tu Mera Jism Mehak Uthta Hai
Rooh Mein Utri Hoi Taaza Mohabat Ki Tarah

Tere Khatir Tu Koi Jaan Be Ly Sakta Hun
Me Ny Chaha Hai Tujy Gaon Ki Izzat Ki Tarah

Khul Rehe Hai Mery Daireena Masail Ki Giraah
Mery Mahool Mein Utrah Hai Wo Barkat Ki Tarah

Ab Tery Hijjar Mein Kuch Lutf Nehe Hai Baqi
Ab Tujy Yaad Be Karty Hein Tu Aadat Ki Tarah

Tum Mere Pehli Mohabat Tu Nehe Ho Lekin
Me Ny Chaha Hai Tumhein Pehly Muhabat Ki Tarah

Wo Jo Aati Hai Tu Pher Lout K Jaati He Nehe
Tum Lipat Jao Kabi Aisi Museebat Ki Tarah

Mery Dil Mein Koi Masoom Sa Bacha Hai
Jo Tujy Sochta  Rehta Hai Shararat Ki Tarah..!!

Tere Aankhon K Haseen Jaal Mein Aajaon Ga Me

Tere Aankhon K Haseen Jaal Mein Aajaon Ga Me
Mujh Ko Lagta Hai Tere Chaal Mein Aajaon Ga Me

Zindagi Baad Tery Hona The Mushkil Lekin
Ye Na Socha K Es Haal Mein Aajaon Ga Me

Daikh Kar Us Ko Mujy Yaad Kary Ge Dunia
Aik Din Us Ka Had_O_Haal Ho Jaon Ga Me

Kitny Mosam They Jo De Kar Mujy Taany Guzray
Tum Tu Kehty They K Ek Saal Mein Aajaon Ga Me

Sur Mein Aajaye Ga Jevan Tery Aa Jany Sy
Tery Aany Sy Kisi Taal Mein Aajaon Ga Me..!!

Tere Har Baat Sy Anjaan Be Ho Sakta Hai

Tere Har Baat Sy Anjaan Be Ho Sakta Hai
Dil_E_Wehshi Dil_E_Nadaan Be Ho Sakta Hai

Ham Jahan Baith K Taaron Sy Tere Baat Karein
Wo Kisi Jism Ka Dalaan Be Ho Sakta Hai

Ye Jo Ek Bherriya Jungle Mein Hua Karta Hai
Kal Esi Bhais Mein Insaan Be Ho Sakta Hai

Ain Mumkin Hai Jisy Dil K Bajeye Thaamon
Ab Kisi Shokh Ka Damaan Be Ho Sakta Hai

Titlian Nochny Ka Jurm Kiya Hai Jis Ny
Wo Mery Shehar Ka Sultaan Be Ho Sakta Hai

Aaj Dil Mein Tere Yadon K Diye Jalty Hein
Kal Yehe Rasta Sunsaan Be Ho Sakta Hai

Jo Tujhy Or Kisi Ka Hony Nehe Daita
Ye Mery Ishq Ka Imkaan Be Ho Sakta Hai

Ye Jo Ek Shakhas Tujy Daikh Kar Roshan Hai Bohat
Bujh Be Sakta Hai Ye Veeraan Be Ho Sakta Hai..!!

Haaye Wo Lamha K Jab Tujh Sy Shanasaai Hoi

Haaye Wo Lamha K Jab Tujh Sy Shanasaai Hoi
Pher Jo Honi The Mere Jaan Wo Ruswaai Hoi

Apni Nakaam Mohabat Ka Na Yon Charcha Karo
Zakham Bahr Jaye Ga Ger Es Ki Paziraai Hoi

Pher Zamany Mein Kisi Ny Usy Daikha Na Suna
Tery Darbaar Mein Jis Shakhas Ki Shunwaai Hoi

Jab Tere Yaad KO Koi Be Thikana Na Mily
Mere Banhoon Mein Chali Aati Hai Ghabraai Hoi..!!

Ye Kab Kaha Tha Nazaaron Sy Khoof Aata Hai

Ye Kab Kaha Tha Nazaaron Sy Khoof Aata Hai
Mujy Tu Chand Sitaaron Sy Khoof Aata Hai

Me Dushmanon K Kisi Waar Sy Nehe Darta
Mujy To Apny He Yaaron Sy Khoof Aata Hai

Khiza Ka Jabar Tu Seeny Py Rook Lety Hein
Hamein Udaas Baharon Sy Khoof Aata Hai

Mily Hein Doston Besaakhion Sy Gham Itny
Mery Badan Ko Saharon Sy Khoof Aata Hai

Me Iltifaat Ki Khandaq Sy Door Rehta Hon
Talluqaat K Gaaron Sy Khoof Aata Hai..!!

Safar_E_Mazil_E_Shab Yaad Nehe Log Rukhsat Huye Kab Yaad Nehe

Safar_E_Mazil_E_Shab Yaad Nehe
Log Rukhsat Huye Kab Yaad Nehe

Awwaleen Qurb Ki Sarshaari Mein
Kitny Armaan Thay Jawaab Yaad Nehe

Dil Mein Har Waqat Chubhan Rehti Hai
The Mujy Kis Ki Talab Yaad Nehe

Wo Sitara The Shaban The K Phool
Ek Soorat The Ajab Yaad Nehe

Kaisi Veeraan Hai Guzargah_E_Khyaal
Jab Sy Wo Aariz_O_Lab Yaad Nehe

Bholtay Jatay Hein Maazi K Diyaar
Yaad Ayein Be Tu Sab Yaad Nehe

Aisa Uljha Hun Gham_E_Dunia Mein
Ek Be Khwaab_E_Tarab Yaad Nehe

Rishta_E_Jaan Tha Kabi Jis Ka Khyaal
Uski Soorat Be Tu Ab Yaad Nehe

Ye Haqeeqat Hai K Ehbaab Ko Ham
Yaad He Kab Thay Jo Ab Yaad Nehe

Yaad Hai Sair_E_Charaaghan
Dil K Bujhny Ka Sabab Yaad Nehe..!!

Yaad Ata Hai Roz_O_Shab Koi

Yaad Ata Hai Roz_O_Shab Koi
Ham Sy Rootha Hai Be_Sabab Koi

Lab_E_Jo Chhaon Mein Darakhton Ki
Wo Mulaaqat The Ajab Koi

Jab Tujy Pehli Baar Daikha Tha
Wo Be Tha Mosam_E_Tarb Koi

Kuch Khabar Ly Kar Tere Mehfil Sy
Door Baitha Hai Jaan_E_Balab Koi

Yaad Aati Hai Door Ki Batein
Pyar Sy Daikhta Hai Jab Koi

Choot Khai Hui Baar Ha Lekin
Aj Tu Dard Hai Ajab Koi

Jin Ko Mitna Tha Mit Chukay
Un Ko Ruswa Kary Na Ab Koi..!!

Hoti Hai Tery Naam Sy Wehshat Kabi Kabi

Hoti Hai Tery Naam Sy Wehshat Kabi Kabi
Barham Hui Hai Yon Be Tabiyat Kabi Kabi

Aay Dil Kisy Naseeb Ye Taufeeq_E_Iztiraab
Milti Hai Zingai Mein Ye Raahat Kabi Kabi

Tery Karam Sy Ay Alam_E_Husan_E_Aafreen
Dil Ban Gaya Hai DOst Ki  Khilwat Kabi Kabi

Josh_E_Janoon Mein Dard Ki Tugyanion K Sath
Ashkon Mein Dhal Gai Tere Sorat Kabi Kabi

Tery Qareeb Reh K Be Dil Mumien Na Tha
Guzri Hai Mujh Py Ye Qayamat Kabi Kabi

Kuch Apna Hosh Tha Na Tumhara Khyaal Tha
Yon Be Guzar Gai Shab_E_Furqat Kabi Kabi

Ay Dost Ham Ny Tark_E_Muhabat K Bawjood
Mehsoos Ki Hai Tere Zaroorat Kabi Kabi..!!

Tere Zulfon K Bikharny Ka Sabab Hai Koi

Tere Zulfon K Bikharny Ka Sabab Hai Koi
Aankh Kehti Hai Tery Dil Mein Talab Hai Koi

Aanch Aati Hai Tery Jism Ki Uryaani Sy
Pairhan Hai K Sulagti Hui Shab Hai Koi

Hosh Uraany Lageen Pher Chaand Ki Thandi Kirnein
Tere Basti Mein Hum Ye Khwaab_E_Tarb Hai Koi

Geet Banti Hai Tery Shehar Ki Bharpoot Hova
Ajnabi Mein He Nehe Tu Be Ajab Hai Koi

Laay Jati Hein Kisi Dehaan Ki Lehrein
Door Tak Silsila Taak_E_Tarb Hai Koi..!!

New Poetry    Hot Poetry    Latest Ghazal    Ghazal Collection    2014 Latest Ghazal

Kuch Tu Ehsaas_E_Ziyaan Tha Pehly DIl Ka Ye Haal Kahan Tha Pehly

Kuch Tu Ehsaas_E_Ziyaan Tha Pehly
DIl Ka Ye Haal Kahan Tha Pehly

Ab Tu Manzil Be Hai Khud Garm_E_Safar
Har Qadam Sang_E_Nishaan Tha Pehly

Safar_E_Ishq K Farsang Na Pooch
Waqat Be_Qaid Makaan Tha Pehly

Ye Alag Baat K Gham Raas Hai Ab
Es Mein Adaisha_E_Jaan Tha Pehly

Yon Na Ghabraye Huye Phirty They
Dil Ajab Kunj_E_Amaan Tha Pehly

Ab Te Tu Paas Nehe Hai Lekin
Es Qadar Door Kahan Tha Pehly

Dairy Daaly Hein Bagolon Ny Jahan
Us Taraf Chashm_E_Rawaan Tha Pehly

Har Kharab Ye Sada Daita Hai
Me Be Aabaad Makaan Tha Pehly

Kya Sy Kya Ho Gai Dunia Pyaary
Tu Waheen Par Hai Jahan Tha Pehly

Ham Ny Aabaad Kiya Mulk_E_Sukhan
Kaisa Sunsaan Sama Tha Pehly

Ham Ny Bakshi Hai Khamoshi Ko Zabaan
Dard Majboor_E_Fugaan Tha Pehly

Ham Ny Roshan Kiya Maamoor_E_Gham
Warna Har Simt Dhuwaan Tha Pehly

Gham Ny Pher Dil Ko Jagaya
Khana_E_Barbaadi Kahan Tha Pehly..!!

Latest Poetry  Sad Poetry Sms Poetry Sexy Ghazal         Romentc Ghazal New Ghazal  2014 Ghazal
Facebook Poetry New Poetry

Diyar_E_Dil Ki Raat Mein Charaagh Sa Jalaa Gaya

Diyar_E_Dil Ki Raat Mein Charaagh Sa Jalaa Gaya
Mila Nehe To Kiya Hua Wo Shakal Tu Dikha Gaya

Wo Dosti Tu Khair Ab Naseeb_E_Dushmanaan Hoi
Wo Choti Choti Ranjishon Ka Lutf Be Chala Gaya

Judaion K Zakham Dard_E_Zindagi Ne Bhar Diya
Tujy Be Neend Aa Gai Mujy Be Sabar Aa Gaya

Pukarti Hein Fursatein Kahan Gain Wo Sohbatein
Zameen Nigal Gai Unhein K Aasmaan Khaa Gaya..!!

Latest Poetry  Sad Poetry Sms Poetry Sexy Ghazal Romentc Ghazal New Ghazal  2014 Ghazal

Tujy Mujhsy Mujho Tujhsy Jo Bohat He Pyar Hota

Tujy Mujhsy Mujhko Tujhsy Jo Bohat He Pyar Hota
Na Tujy Qaraar Hota Na Mujy Qaraar Hota

Tera Har Marz Uljhta Mere Jaan_E_Natwaan Sy
Jo Tujy Zukaam Hota Tu Mujhy Bukhaar Hota

Jo Mein Tujhko Yaad Karta Tujy Cheenkana B Parta
Mera Sath B Yakeenan Yehe Bar Bar Hota

Kisi Chowk Mein Lagaty Koi Choorion Ka Khokha
Tery Shehar Mein B Apna Koi Karobaar Hota

Gham_O_Ranj Aashiqana Nehe Calcutoraana
Isy Mein Shumaar Karta Jo To BeShumaar Hota

Wahan Zer_E_Behas Aaty Khat_O_Haal_O_Huye-Hubaan
Gham_E_Ishq Par Jo Koi Seminaar Hota..!!

Mard Hone Chahye Khatoon Hona Chahye

Mard Hone Chahye Khatoon Hona Chahye
Ab Grammar ka Yehe Kaanoon Hona Chahye

Nersery K Daakhla B Ab Sar Sari Mat Janiye
Aap K Bachy Ko Aflaatoon Hona Chahye

Raat Ko Bachy Parhai Ki Aziyat Sy Bachein
In Ko Tv Ka Bohat Mamnoon Hona Chahye

Dosto English Zaroori Hai Hamary Wasty
Fail Hony Ko B Koi Mazmoon Hona Chahye

Sirf Mehnat Kya Hai Kamyaabi K Liye
Koi Oper Sy B  Telephone Hona Chahye..!!

Hai Ap K Honton Py Jo Muskaan Wagera

Hai Ap K Honton Py Jo Muskaan Wagera
Qurbaan Gaya Es Py Dil_O_Jaan Wagera

Billi To Yonhi Muft Mein Badnaam Hui
Thaily Mein To Kuch Or Tha Saaman Wagera

Be-Hirrs_O_Gharz Faraz Adda Ki Jiye Apna
Jis Tarah Police Karti Hai Chalan Wagera

Ab Hosh Nehe Koi K Badaam Kahan Hai
Ab Apni Hatheli Py Hein Bandaan Wagera

Har Shirt Ki Bushrat Bana Dali Hai
Yon Chaak Kiye Ham Ne Gereeban Wagera..!!

Tujy Udaas B Karna Tha Khud B Rona Tha

Tujy Udaas B Karna Tha Khud B Rona Tha
Ye Haadsa B Mere Jaan Kabi To Hona Tha

Nammu Ka Ranj Na Aber Guraiz Pa Sy Malaal
K Mujh Ko Baanjh Zameenon Mein Beej Bona Tha

Ye Kia K Gard_E_Raah_E_Raftagaan Ko Oar Liya
Kafan Ka Daagh Badan K Lahoo Sy Dhona Tha

 Jo Dastaan Usy Kehna The Pher Na Gufta Rehe
K Mein B Thak Sa Gaya Tha Usy B Sona Tha

Me Takht_E_Abar Par Soya Tha Raat Bhar
Khuli Jo Aankh To Sehra Mera Bichoona Tha..!!

Sabeel_E_Dard Tham Jaye Kharosh_E_Dil Thehar Jaye

Sabeel_E_Dard Tham Jaye Kharosh_E_Dil Thehar Jaye
Zara Se Dair Ko Hangama_E_Mehfil Thehar Jaye

Shab_E_Maqtal Ka Sannata Gawahi Dy Na Dy Apni
Laho Ki Mouj Mein Aks_E_Rukh_E_Qaatil Thehar Jaye

Tabiyat Toot Kar Chahye Talaatum Ashiana Hona
Magar Teshana Labi Ki Zid Sar_E_Saahil Thehar Jaye

Muheet_E_Roz_O_Shab Sy Ajj Tak Hum Par Nehe Utra
Wo Ek Lamha K Apni Umer Ka Haasil Thehar Jaye

Kehein To Saans Lay Thak Kar Hajoom_E_Aabla Paai
Kehein Tu Halqa_E_Gard_E_Safar Manzil Thehar Jaye

Koi Harf_E_Malaamat Ho Kar Zanjeer_E_Dua Chun K
Kisi Awaaz Par To B Sada Saail Thehar Jaye

Kaha K Qais Thy Ham B Mager Itni Ghanimat Hai
K Dash_E_Khwaab Mein Akser Tera Mahmal Thehar Jaye

Bichar Kar B Wo Chehra Aankh Sy Hatta Nehe
K Jaisy Jheel Mein Aks_E_Meh_E_Kaamil Thehar Jaye..!!

Utho Mere Dunia K Gharibon Ko Jagaa Do

Utho Mere Dunia K Gharibon Ko Jagaa Do
Khak_E_Umra K Dar_O_Dewaar Hilla Do

Garmaoo Ghulamon Ka Lahu Soz_E_Yaqeen Sy
Kunjishk_E_Phiromaya Ko Shaheen Sy Larra Do

Sultani_E_Jamhoor Ka Aata Hai Zamana
Jo Naqash_E_Kuhan Tum Ko Nazar Aaye Mita Do

Jis Khait Sy Dehkaan Ko Muyassar Nehe Rozi
Us Khait K Har Khosha_E_Gandum Ko Jala Do

Kyun Khaliq_O_Makhlooq Mein Hayal Rehein Parday
Pairaan_E_Kalisa Ko Kalisa Sy Hatta Do

Me Nakhush_O_Bezzar Hon Mar Mar K Silon Sy
Mery Liye Matti Ka Harram Or Bana Do

Tehzeib_E_Nawin Kargah_E_Shishagaran Hai
Adaab_E_Janoon Shair_E_Mashriq Ko Sikha Do..!!

Tery Ishq Ki Inteha Chahta Hon

Tery Ishq Ki Inteha Chahta Hon
Mere Sadgi Daikh Kya Chahta Hon

Sitam Ho K Ho Wada_E_Be_Hijaabi
Koi Baat Sabar_Aazma Chahta Hon

Ye Jannat Mubarak Rehy Zahidon Ko
K Me ap Ka Samna Chahta Hon

Koi Dam Ka Mehmaan Hun Aay Ehl_E_Mehfil
Chirag_E_Shehar Hun Bujha Chahta Hon

Bhari Bazam Mein Raz Ki Baat Keh Di
Bara Be_Adab hon Saza Chahta Hon..!!

Arz_E_Niyaaz_E_Ishq K Qabil Nehe Raha

Arz_E_Niyaaz_E_Ishq K Qabil Nehe Raha
Jis Dil Py Naaz The Mujy Wo Dil Nehe Raha

Jata Hon Gahh_E_Hasrat_E_Hasti Liye Huye
Hon Shamma_E_Kushta Darkhoor_E_Mehfil Nehe Raha

Marny Ki Aay Dil Or He Tadbeer Kar K Me
Shayan_E_Dast_O_Bazu_E_Qatil Nehe Raha

Ba_RU_E_Shah Jihat Dar_E_Aaienabaz Hai
Yaan Imitiaz_E_Nakis_O_Qamil Nehe Raha

Waa Kar Diye Hein Shoq Ny Band_E_Naqab_E_Husan
Ghair Azz Nigah Ab Koi Haiel Nehe Raha

Go Mein Raha Rahin_E_Sitam Haye Rozgar
Lekin Tery Khyaal Sy Ghafil Nehe Raha

Dil Sy Hawa_E_Kisht_E_Wafa K Wahan
Hasil Siwaye Hasrat_E_Hasil Nehe Raha

Bedad_E_Ishq Sy Nehe Darta Magar
Jis Dil Py Naaz The Mujy Wo Dil Nehe Raha..!!

Baargashta_E_Yazdaan Sy Kuch Bhool Hui Hai

Baargashta_E_Yazdaan Sy Kuch Bhool Hui Hai
Bhatky Huye Insan Sy Kuch Bhool Hui Hai

Ta_Hadd_E_Nazar Shooly He Shooly Hein Chaman Mein
Pholon K Nighbaanon Sy Kuch Bhool Hui Hai

Jis Ahad Mein Lut Jeye Faqiron Ki Kamai
Us Ahad K Sultaan Sy Kuch Bhool Hui Hai

Hansty Hien Mere Sorat_E_Maftun Py Shgoofy
Mery Dil_E_Nadaan Sy Kuch Bhool Hui Hai

Horon Ki Talab Or Mai_O_Sagar Sy Hai Nafrat
Zahid Tery Irfan Sy Kuch Bhool Hui Hai..!!

Kisi Ki Aankh Sy Sapny Chura Kar Kuch Nehe Milta

Kisi Ki Aankh Sy Sapny Chura Kar Kuch Nehe Milta
Manderon Sy Chiraghon Ko Bujha Kar Kuch Nehe Milta

KoI AiK Adh Sapna Ho Tu Pher Acha Bi Lagta Hai
Hazaron Khwaab Aankhon Mein Saja Kar Kuch Nehe Milta

Ye Acha Hai K Apas k Bharam Na Tootny Paaien
Kabi Kabi Doston Ko Aazma Kar Kuch Nehe Milta

Amal Ki Sookhti Rag Mein Zara Sa Khoon Shamil Kar
Mery Hamdam Faqat Batein Bana Kar Kuch Nehe Milta

Mujy Akser Sitaron Sy Ye Awaaz Aati Hai
Kisi K Hijjar Mein Neendein Gahwa Kar Kuch Nehe Milta

Jiggar Ho Jaye Ga Chalni Ye Aankhein Khoon Rooien Ge
Aay Dil_E_Be_Faiz Logon Sy Nibah Kar Kuch Nehe Milta..!!

Badbaan Khulny Sy Pehly Ka Ishara Daikhna

Badbaan Khulny Sy Pehly Ka Ishara Daikhna
Mein Samandar Daikhti Hon Tum Kinara Daikhna

Yon Bicharna Bi Bohat Asan Na Tha Us Sy Mager
Jaty Jaty Us Ka Wo Mur K Dobara Daikha

Kis Shabahat Ko Liye Aya Hai Darwazy Py Chand
Aay Shab_E_Hijraan Zara Apna Sitara Daikhna

Aaieny Ki Aankh He Kuch Kam Ne The Mery Liye
Jany Ab Kya Kya Dikhaye Ga Tumhara Daikhna..!!

Kariya_E_Jan Mein Koi Phool Khilany Aye

Kariya_E_Jan Mein Koi Phool Khilany Aye
Wo Mery Py Neya Zakham Lagany Aye

Mery Wiraan Darichon Mein Bi Khushbu Jagey
Wo Mery Gher K Dar_O_Baam Sajany Aye

Us Sy Ek Baar To Rothon Mein Us Ki Manind
Or Mere Tarah Sy Wo Mujh Ko Manany Aye

Esi Khushi Mein K Us K Shanasa Bi Tu Hein
Wo Kisi Or Sy Milny K Bahany Aye

Ab Na Pochon Ge Mein Khoye Huye Khwabon Ka Pata
Wo Ager Aye Tu Kuch Bi Na Bataon Ge

Zabat K Shahar Panahon Ki Mery Malik Khair
Gham Ka Sailaab Ager Mujhy Ko Bahany Aye..!!

Sabaz Madham Roshni Mein Surkh Aachal Ki Dhanak

Sabaz Madham Roshni Mein Surkh Aachal Ki Dhanak
Sard Kamry Mein Machalti Garam Sanson Ki Mehak

Bazowon K Sakhat Halkay Mein Koi Nazuk Badan
Salwatein Malboos Par Aachal Bi Kuch Dhalka Hua

Garm_E_Rukhsaar Par Shararat K Kisi Lamhey K Aqas
Naram Zulfon Sy Mulayam Ungilon Ki Cheair Chaar

Surkh Honton Par Shararat K Kisi Lamhey Ka Aqas
Raishmi Bahon Mein Churi Ki Kabi Madham Dhanak

Sharmgeen Lehjon Mein Dheery Sy Kabi Chahat Ki Baat
Do Dilon Ki Dharkan Mein Goonjti The Ek Sada

Kanpaty Honton Py The ALLAH Sy Sirf Ek Dua
Kash Ye Lamhey Thehar Jain Thehar Jain..!!

Kaho Tu Lout Jaty Hien Abi Tu Baat Lamhon Tak Salon Tak Nehe Aai

Kaho Tu Lout Jaty Hien

Abi Tu Baat Lamhon Tak Salon Tak Nehe Aai

Abi Muskano Ki Nobat Bi Nalon Tak Nehe Aai

Abi Tu Koi Majbori Khiyalon Tak Nehe Aai

Abi Tu Gard Peron Tak Hai Balon Tak Nehe Aai

Kaho Tu Lout Jaty Hein

Chalo Ek Faisla Karny Shajar Ki Oat Jaty Hein

Abi Kajal Ki Dori Surakh Galon Tak Nehe Aai

Zuban Danton Talak Hai Zehar Piyalon Tak Nehe Aai

Abi Tu Mushk_E_Kastoori Ghazalon Tak Nehe Aai
Abi Rodad_E_Be_Unwaan Hamary Darmiyan Hai

Dunia Walon Tak Nehe Aai

Kaho Tu Lout Jaty Hein

Abi Nazdeek Hai Gher Apna Or Manzil Door Hai Apni

Mubada Nar Ho Jaye Ye Hasti Noor Hai Apni

Kaho Tu Lout Jaty Hein

Ye Raasta Pyaar Ka Rasta

Rasan ka Dar Ka Rasta

Bohat Dushwaar Hai Jana

K Es Rasty Ka Har Zarra Bi Ek Kohsaar Hai Jana

Kaho Tu Lout Jaty Hein

Mery Bary Na Kuch Socho

Mujy Tu Sath tumhary Amar Hony Ki Hasrat Hai

Mujy Teh Karna Karna Aata Hai Rasan Ka Dar Ka Rasta

Ye Aasebon Bhara Rasta

Ye Andhi Ghaar Ka Rasta

Tumhary Gaisowon Ki Chaon Mil Jaye Tu Soraj Se Ulajhna Baat He Kya Hai

Utha Lo Apna Saya Tu Mere Okaat He Kya Hai

Tumhara Narm_O_Nazuk Hath Mery Hath Mein Ho Tu Me Ye Samjhon

K Jaisy Do Jahan Ho Mere Muthi Mein

Tumhara Qurb Ho Tu Mushkilein Kafoor Ho Jain

Ye Andhay Or Kaly Rasty Pur_Noor Ho Jain

Mujy Maloon Hai Itna K Dayam_E_Zindagi Posheeda Hai In Chaal Qadmon Mein

Bohat Rahtein Muzmir Hain In Dushwaar Raston Mein

Mery Bary Na Kuch Socho

Tum Apni Baat Batlao

Kaho Tu Chalty Rehty Hein

Kaho Tu Lout Jaty Hein..!!

Seeny Mein Jalan Aankhon Mein Tofaan Sa Kyun Hai

Seeny Mein Jalan Aankhon Mein Tofaan Sa Kyun Hai
Es Shehar Mein Har Shakhas Pareshan Sa kyun Hai

Dil Hai Tu Dharakny K Bahana Koi Dhondy
Pather Ki Tarah Be-Hiss_O_Be_Jaan Sa Kyun Hai

Tanhai Ki Ye Kon Se Manzil Hai Rafeeqo
Ta Had_E_Nazar_E_Pasheiman Pasheiman Sa Kyun Hai

Kya Koi Naii Baat Nazar Aai Hai Ham Mein
Aaina Hamein Daikh K Hariaan Sa Kyun Hai..!!

Me Khush-Naseebi Hon Tere Mujy Bi Raas Hai Tu

Me Khush-Naseebi Hon Tere Mujy Bi Raas Hai Tu
Tera Libaas Hon Me Mera Libaas Hai Tu

Ajeeb Shay Hai Muhabat K Ham Kaheen Jaien
Tery Qareeb Hon Me Mery Pass Hai Tu

Kab Ye Mumkin Hai K Koi Ham Ko Juda Kar Jaye
Me Hoon Na Hoon Mere Jaan Mera Maas Hai Tu

Band Hathon Py Mere Rait Jamme Jati Hai
Tu Mery Pass Hai Or Pher Bi Mere Pyaas Hai Tu

Me Ny Khud Ko Faramosh Kiya Tery Liye
Aam Hai Saara Jahan Mery Liya Khaas Hai Tu

Darmiyaan Tery Mery Jab Sy Log Aany Lagy
Me Us K Baad Sy Tanha Hoon Or Be-Aas Hai Tu

Me Khush-Naseebi Hon Tere Mujy Bi Raas Hai Tu
Tera Libaas Hon Me Mera Libaas Hai Tu..!!

Mere Aankhon Mein Nami Ka He Samaa Rehta Hai

Mere Aankhon Mein Nami Ka He Samaa Rehta Hai
Dil Mein Ek Dard Jo Muddat Sy Jawan Rehta Hai

Wo Jo Kehta Tha K Bichrein Gy Tu Mar Jain Gey
Ab Ye Maloom Nehe Hai Wo Kahan Rehta Hai

Aik Usko Mere Chahat Ki Zaroorat Na The
Warna Mera To Talabgaar Jahan Rehta Hai

Wo Samjhta Hai K Mein Bhool Gaya Hon Usko
Khud Sy B Ziyada Mujy Jis Ka Dheyaan Rehta Hai

Yon Udasi Mery Sar Par Hai Musalsal
Jaisy Dil Py Koi Zakhmo Ka Nishan Rehta Hai..!!

Nazron Sy Nazar Milai Tu Bura Maan Gaye

Nazron Sy Nazar Milai Tu Bura Maan Gaye
Aankhon Sy Ishara Jo Kiya Tu Bura Maan Gaye

Baton Par Muskurana Unki Aadat The
Zara Sa Ham Ny Jo Hansaya Tu Bura Maan Gaye

Khud To Lagti The Pariyon Ki Wo Pari
Ehsaas Ham Ny Jab Dilaya Tu Bura Maan Gaye

Koi Zara Bateye Tanha Karin Tu Kya Karin
Zakham Usko Jo Dikhaya Tu Bura Maan Gaye..!!

Muhabat Ko Muhabat Ka Zara Ehsaas Hony Do

Muhabat Ko Muhabat Ka Zara Ehsaas Hony Do
Abi Kuch Dair Tehro Husan Ko Be-Naqaab Hony Do

Be-Waja Dil Ko Yon Rooka Nehe Karty
Itni Muhtaat Ho Kyun Zara Mosam Khraab Hony Do

Zindagi Ko Do Raahy Py La Ka Chorty Ho Kyun
Kuch Kaho Ya Apni Bewafai Ka Hisaab Hony Do

Ajab Nehe K Log Tujhy Be-Wafa Janein
Pher Kyun Na Aaj Pora Mahtaab Hony Do

Ye Raat Andheeri Sehe Par Thandi Tu Hoti Hai
Roshni Ki Haqeeqat Kya Zara Chanda Ko Aftaab Hony Do..!!

Nigah_E_Yaar K Pardon Mein Hai Adda Kaisi

Nigah_E_Yaar K Pardon Mein Hai Adda Kaisi
Sitam Kaisa Karam Kaisa Jafa Kaisi Wafa Kaisi

Ye Jo Tofan_E_Samandar Hein Ye Sab Hasti K Manzar Hein
Ager Kismat Mein Jalna Ho Dawaa Kaisi Dua Kaisi

Suny Ga Kon Ab Mujh Sy Tery Behroop K Qissay
Mujy B Maar K Kar Di Karam Ki Inteha Kaisi

Ager Dil Haar He Baithy Mery Ham Dam Muhabat Mein
Fana Kaisi Baqa Kaisi Saza Kaisi Jaza Kaisi..!!

Rakh Kar Tery Honton Py Hont Apni Saansein Tujh Mein Utaar Don

Rakh Kar Tery Honton Py Hont
Apni Saansein Tujh Mein Utaar Don

Lipty Rehein Tum Sy Raat Bhar
Tere Roh Ko Khud Mein Utaar Lon

Sar Sy Paon Tak Choom Choom Kar
Tumhary Tan Badan Mein Bijli Utaar Don

Choom Kar Tery Honton Ko
Tery Honton Ki Rangat Nikhar Don

Sar Sy Paon Tak To Ek Nasha Hai Sanam
Kash Zindagi Es Nashy Mein Guzaar Don..!!

Itna Qareeb Aa K Jii Bhar Ka Daikh Lon

Itna Qareeb Aa K Jii Bhar Ka Daikh Lon
Shayad K Pher Milo Tu Ye Zoq_E_Nazar Na Ho

Yon Utro Mery Dil Mein Aankhon K Raasty Sy
Mujh Mein Samaa Jao Nazar Ko Khabar Na Ho

Muddat Hui Mily Nehe Ek Dosray Sy Ham
Aaj Sab Gily Mitta Do Koi Shikwa Pher Na Ho

Mery Samny Baithy Raho Me Daikhta Rahon
Ruk Jaye Kaash Waqat Talu_E_Sehar Na Ho

Kar Lo Mujh Sy Waada Mery Ho Bass Mery
Jab Sath Mera Do Tu Zamany Ka Dar Na Ho

Aaye Ho Ab K Jo Tum tu Aik Shab Qayyam Kar Lo
Shayad K Pher Guzar Ho Tu Mera Ghar Na Ho

Mumkin Hai Tarteeb_E_Waqat Mein Aisa B Lamha Aaye
K Dastak Ko Tera Hath Uthay Or Mera Dar Na Ho..!!

Badan Ko Dono Kinaron Sy Jal Raha Hon Mein

Badan Ko Dono Kinaron Sy Jal Raha Hon Mein
Chuu Raha Hon Tujhy Or Pighal Raha Hon Mein

Tujh He Py Khatam Hai Jana Mery Zawaal Ki Raat
To Ab Tallu B Ho Ja K Dhal Raha Hon Mein

Bula Raha Hai Mera Jaama_Zeb Milny Ko
Tu Aaj Pairahaan_E_Jaan Badal Raha Hon Mein

Ghubar_E_Rahguzar Ka Ye Hoosla B Tu Daikh
Hawa_E_Taaza Tery Sath Chal Raha Hon Mein

Me Khwaab Daikh Raha Hon K Wo Pukarta Hai
Or Apny Jism Sy Bahir Nikal Raha Hon Mein..!!

Apni Aankhon K Sabi Ashq Baha Kar Sona

Apni Aankhon K Sabi Ashq Baha Kar Sona
Tum Mere Yaad K Har Deep Bujha Kar Sona

Ek Sitara B Mery Khyaal K Baqi Na Rehy
Chandni Shab K Nishanaat Mita Kar Sona

Dar Lagta Hai K Ye Neend Kahein Cheen Na Ly
Tera Har Roz Mery Khwaab Mein Aa Kar Sona

Baad Mein Log Gira Dein Tu Koi Baat Nehe
Har Taraf Pyaar Ki Dewaar Utha Kar Sona

Suboh Hoty Hien Tery Shehar Sy Jana Hai Mujy
Ajj Ki Raat Zara Mujh Ko Mana Kar Sona..!!

Us K Hoonton Ka Tabassum Rehy Qayam YA RAB

Us K Hoonton Ka Tabassum Rehy Qayam YA RAB
Us Ka Jeevan Mein Khushiyon Ka Baseara Kar Day

Tu Mery Qarb Ki Raaton Ko Bhaly Khatam Na Kar
Us Ki Har Shaam k Aakhir Mein Saweara Kar Day

Us K Dil K Kisi Koony Mein Jaga Day Mujh Ko
Us Ki Aankhon Ko Mery Sapnon Sy Khaira Kar Day

Ye Mery Dil Ki Dua Hai Mery Moula Sun Lay
Saari Dunia Say Chupa Kar Usay Mera Kar Day..!!

Muhabat Tum Sy Hai Ye Maanti Hon Me

Muhabat Tum Sy Hai Ye Maanti Hon Me
Chahat Bus Tumhari Hai Ye Jaanti Hon Me

Aao Apni Zaat K Us Pehlu Sy Milwaaon Tumhein
Me Kya Hoon Or Kon Hon Ye Bataon Tumhein

Me Apni Maan Ki Tarbiyat Mein Dhala Hua Ek Sancha Hon
Apny Baba Ki Umeedon Sy Pur Aik Khaaka Hon Me

Apny Bhai Ki Ghairat Hoon Ye Jaanti Hon Me
Es Gher Ki Izat Hon Ye Maanti Hon Me

Tu Pher Behak Jaaon Pher Me Ye Mumkin He Nehe
Rishta Or Bhe Tu Hein Sirf Tum He Tu Nehe

Muhabat Unhein B Hai Sirf Tum Ko Tu Nehe..!!

Bus Aik Shaam Day Do Mujhay Payar Main Dhalti Hui

Bus Aik Shaam Day Do Mujhay Payar Main Dhalti Hui
Phir Sham Usko Main Kahoon Ya K Kahoon Main Zindagi

Payar Ho Challka Hua Teri K Jaam Se
Surmaai Sa Phelta Ho Rang Uffaq Per Shaam Se

Bazooun Ki Qaid Main Ho Ik Badan Simta Hua
Khamoshi Main Goonjti Ho Do Dilon Ki Ik Sada

Ho Ulajhti Saans Main Jesay Shararat Saans Ki
Rooh Ko Choonay Lagay Jesay Hararat Saans Ki

Hath Main Ho Chooriyon Ki Dheemi Dheemi Si Khannak
Madham Madham Roshni Main Narm Anchal Ki Dhannak

Hont Hoon Tere Gulaabi Chalki Chagal Ki Tarah
Surmaai Si Phail Jaye Shaam Kajal Ki Tarah

kash So Jao Kabhi Tum Rakh k Sar Aghosh Main
Doob Ker Ankhon Main Teri Ham Rahain Na Hosh Main

Kaash K Mujhko Atta Kar Do koi Aisa Hi Kal
Kaash Tham Jain Wo Lamhay Or Tham Jain Wo Pal

Wassal K Lamhay Atta Kar Do Mujhay Ik Din Kabhi
Yoon Milain Tum Se K Phir Na Hoon Juda Tum Se Kabhi

Phir Chalay Janay Ki Jana Baat Na Aye Kabhi
Buss Aik Shaam Day Do Phir Raat Na Aaye Kabhi ..!!

Baarish Ki RimJim Boondon Mein

Baarish Ki RimJim Boondon Mein
Jab Tum Ko Dhond Na Paati Hon

Me Tum Ko Sochti Rehti Hon
Or Pagel Se Ho Jati Hon

Tum Laakh Jatan Kar Daalo Par
Tum Mujh Ko Bhool Na Paoo Gay

Tum Mery Naam Sy Zinda Ho
Me Tumhari Kehlaati Hon..!!

Chal Chalty Hein Us Paar Sanam Jahan Lehron Ki Khamoshi Ho

Chal Chalty Hein Us Paar Sanam
Jahan Lehron Ki Khamoshi Ho
Jahan Sanson Ki Madhooshi Ho
Jahan Jazboon Ki Behooshi Ho
Jahan Aankhon Sy Sargooshi Ho

Chal Chalty Hein Us Paar Sanam
Ek Nai Aas Lagany Ko
Ek Dil Ki Aag Bujhany Ko
Ek Doojay Me Khoo Jany Ko
Ek Pal K Naam Ho Jany Ko

Chal Chalty Hein Us Paar Sanam
Jahan Aasaan Sari Raahein Hon
Jahan Ek Doojay Ki Baanhein Hon
Jahan Lab Py Sard Se Aahein Hon
Jahan Pyaar Ki Kuch Panahein Hon
Chal Chalty Hein Us Paar Sanam..!!

Mere Khushi Ki Khatir Khud Ko Sanbhal Rakhna

Mere Khushi Ki Khatir Khud Ko Sanbhal Rakhna
Us Ny Kaha Tha Mujh Sy Apna Khayal Rakhna

Ye Bhi Kaha Tha Us Ny Har Khwab Aarzi Hai
Tum Bhi Zehan Mein Apny Harf-E-Zawal Rakhna

Wo Keh Raha Tha Shayed Kuch Na Bata Sakon Me
Mere Samny Na Tum B Koi Sawal Rakhna

Wo Hans K Keh Raha Tha Gham B Tumhen Milen Gy
Lekin Na Hosla Tum Apna Nidhaal Rakhna

Har Baat Ka Tqaza Mujh Sy Jo Kar Raha Tha
Kiya Us Ka Haq Nhi Tha Mera Khayal Rakhna..!!

Muhabat Khud Batati Hai Kahan Kis Ka Thikana Hai

Muhabat Khud Batati Hai
Kahan Kis Ka Thikana Hai

Kisy Aankhon Mein Rakhna hai
Kisy Dil Mein Basana Hai

Reha Karna Hai Kis Ko Or
Kisy Zanjeer Pehnana Hai

Mitana Hai Kisy Dil Sy
Kisy Tehreer Karna Hai

Issy Maloom Hota Hai
Safar Dushwaar Kitna Hai

Kisi Ki Chashm_E_Girya Mein
Chupa Iqraar Kitna Hai

Shajar Jo Girny Wala hai
Wo Saya Daar Kitna Hai

Muhabat Khud Batati Hai
Kahan Kis Ka Thikana Hai..!!

Labon Ki Sarsarahat Sy Badan K Choor Hony Tak

Labon Ki Sarsarahat Sy
Badan K Choor Hony Tak
Me Tujh Ko Es Tarah Chahon
K Mere Saans Ruk Jaye

Khataon Par Khatein Hon
Ne Ho Kuch Baat Kehny Ko
Me Tujh Mein Yon Sama Jaon
K Mere Saans Ruk Jaye

Na Himmat Tujh Mein Ho Baqi
Na Himmat Mujh Mein Ho Baqi
Magar Itna Qareeb Aaon
K Mere Saans Ruk Jaye

Tery Honton Py Jab Rakhon
Me Apny Hont Kuch Aisy
Ya Tere Pyaas Bujh Jaye
Ya Mere Saans Ruk Jaye..!!

Masti_E_Ishq Ki Rangeen Adda Maykhana

Masti_E_Ishq Ki Rangeen Adda Maykhana
Apny Sokhay Huye Honton Ki Sada Maykhana

Mujh Sy Mat Pooch Mery Jurm_O_Saza Aay Saqi
Ishq Hai Jurm Mera Or Saza Maykhana

Dasht_E_Tanhai Mein Es Ny He Sambhala Mujh Ko
Mera Hai Koi Tu Hai Baad_E_Khuda Maykhana

Yaar Zalim Ny Mere Pyas Bujhai Hai Tu Tab
Khanjar_E_Ishq Sy Jab Dil Py Likha Maykhana

Aaj Masti The Bohat Unki Adaon Mein
Waja Jo Un Sy Hai Pochi Tu Kaha Maykhana..!!

Mangey K Charaghon Sy Ujala Nehe Karty

Mangey K Charaghon Sy Ujala Nehe Karty
Palkon Sy Giry Ashk Sambhala Nehe Karty

TaHeer Hui Hai To Koi Waja Bi Ho Ge
Yon Dil Mein Wehmoo Ko Pala Nehe Karty

Pher Baad Mein Rona Pary Jis K Liye Osko
Yon Khwaab Jharokon Sy Nikala Nehe Karty

Jis Shakhas K Honton Sy Hansi Cheen Li Tum Ny
Kyun Aa K Tum Ab Uska Azaala Nehe Karty

Pher Usky Janazay Ko Uthana Bi Pary Ga
Yon Sar_E_Bazaar Izzat Uchala Nehe Karty..!!

Tere Rooh Tou Mere Hai Kash Ye Jisma B Mera Ho

Tere Rooh Tou Mere Hai
Kash Ye Jisma B Mera Ho
Tou Sada Rehy Talabgaar Mera
Kuch Es Tarah Sy Tujh Py Mera Baseera Ho

Tery Sang Guzrein Din Mery
Tere Banhon Mein Mere Raatein
Tery Pehly Mein Ho Raat Mere
Or Tujh Sy Mera Sweara Ho

Tu He Tu Bass Nazar Aaye
Tery Siwa Na Kuch B Mera Ho
Tu Mery Dil_O_Demaagh Par Chaai Hai
Kash Nazar Py B Tera Pehra Ho

Ab Tu Dil Mein Ek He Hasrat Hai
Kaash K Wo Din B Aaye
Tu Ho Dulhan Bani Hui
Or Mery Sar Par Sehra Ho..!!

Bass Tery Jism Ki Khushbu Sy Guzarna Hai Mujhy

Bass Tery Jism Ki Khushbu Sy Guzarna Hai Mujhy
Thaam Lay Hath K Us Paar Utarna Hai Mujhy

Mery Seenay Mein Jo Roshan Hai Tery Pass Bi Ho
Ye Charaag Ab Tere Dehleez Py Dharna Hai Mujhy

Tere Aankhon Mein He Dooba Hoon Kaheen Or Nahe
In He Jheelon Sy Kisi Roz Ubharna Hai Mujhy

Wisaal Ki Baat Ki Jaye Mery Jeenay K Liye
Hijjr Ki Baat Na Kar  Kya Koi Marna Hai Mujhy

Ujray Huye Logon Mein Tou Hota Hoon Shumaar
Tu Sudharey Tou Kisi Roz Sudharna Hai Mujhy

Aisa Bekaar Bi Kya Hoon K  Mohabbat Na Karoon
Aur Karny Ka Koi Kaam Tou Karna Hai Mujhy

Bheeg Jatai Hai Samaat Tere Sargoshi Sy
Tere Awaaz Tou Behta Hua Jharna Hai Mujhy

Aaeina Zung Se Chamky Hai Tou Mein Sochta Hoon
Rung  Mitti Ka Tery Noor Mein Bharna Hai Mujhy

Waqt Ko Jany Ki Jaldi Hai Magar Kya Kijiye
Ab Tery Pass Bohat Dair Theharna Hai Mujhe

Mein Tou Hansta Hua Jungle Sy Nikal Aaya Hoon
Tera Matlab Hai K Is Baat Say Darna Hai Mujhe..!!

Masroof Hai Din Raat Usy Waqat Kahan Hai

Masroof Hai Din Raat Usy Waqat Kahan Hai
Wo Mujh Sy Kary Baat Usay Waqat Kahan Hai

Betabi_E_Dil Ka Usay Andaza Nehe Hai
Samjhy Mery Jazbaat Usay Waqat Kahan hai

Wo Pounchay Mere Aankh Sy Behty Huye Aansoo
Aay Rang_E_Barsaat Usay Waqat Kahan Hai

Bhooly Sy He Wo Pochny Aa Jaye Mera Haal
Aay Gardish_E_Halaat Usay Waqat Kahan Hai

Mojoon Mein Tarapta Howa Mein Doob Raha Hon
Thaamy Wo Mera Hath Usay Waqat Kahan Hai..!!

Aisa Nehe K Tujh Sy Muhabat Nehe Mujhy

Aisa Nehe K Tujh Sy Muhabat Nehe Mujhy
Gham Roz Sehny Ki Aadat Nehe Mujhy

Har Baat Tery Samny Sar Ko Jhuka Liya
Or Pher Daikh Tujh Sy Shikayat Nehe Mujhy

Tu Aitbaar Kar K Tujhy Chahty Hein Ham
Tery Siwa Kisi Ki Bi Chaht Nehe Mujhy

Ham Janty Hein Tum Tanha Nehe Hamary Bin
Oroon Sy Pochny Ki Zaroorat Nehe Mujhy

Kaisy Rehein Gay Bin Tery Ab Baat Maan Lay
Tery Baghair Rehny Ki Ab Aadat Nehe Mujhy..!!

Latest Poetry  Urdu Poetry  Romentc Poetry  Sad Poetry          Sad Ghazal   New Poetry  Hont Poetry  Aankhein Ghazal   Latest Ghazal

Tanha Ghar Sy Bahir Jana Theek Nahe

Tanha Ghar Sy Bahir Jana Theek Nahe
Tum Masoom Ho Aur Zamana Theek Nahe

Saaf Dilon Ko Phir Se Mailaa Kar Dainn Ge
Guzre Baaton Ko Dohraana Theek Nahe

Aisi Cheezen Door Se Achi Lagti Hain
Chaand Ko Apny Paas Bulana Theek Nahe

Aao Mery Haath Py Apna Haath Rakho
Saail Ko Khali Loutana Theek Nahe

Rafta Rafta Tabeeren Beh Jati Hain
Num Aankhon Mein Khawab Sajana Theek Nahe

Chorr In Pathar Dil Insanon Ko
Apny Dil Ka Haal Sunana Theek Nahe..!!

Sadiyon Sey Jagi Ankhon Ko Eik Bar Sulaney Ajao

Sadiyon Sey Jagi Ankhon Ko Eik Bar Sulaney Ajao
Mana K Tum Ko Pyaar Nahe Nafrat He Jataney Ajao

Jis Mor Pey Hum Ko Chor Gaye Hum Baithy Ab Tak Soch Rahy
Kya Bhool Hue Kyun Juda Huye Bus Ye Samjhany Ajao

Her Lamha Tere Furqat Main Hum Tarap Rahy Hum Tras Rahy
Mere Mano Tum Is Dil Ko Kuch Pal Hi Behlany Ajao..!!

Ham Ny Suna Hai Rehta Hai Ab Bekaraar Wo

Ham Ny Suna Hai Rehta Hai Ab Bekaraar Wo
Chup K Kisi Ka Karta Hai Roz Intzaar Wo

Gessu Sanwaarty Hein Na Hathon Mein Hai Hina
Aaina Daikhta Bi Nehe Baar Baar Wo

Ek Kuj Addai Us Mein The Or Ham Be Be-Niyaaz
Pachtawa Ham Ko Hota Hai Or Sharamsaar Wo

Kamzoor Chahy Jitni Ho Samny Wafa Magar
Tanha Hawa Sy Larti Hai Dewaana Waar Wo..!!

Mohabbat Mein Galat Fehmi Agar Ilzaam Tak Pohanchay

Mohabbat Mein Galat Fehmi Agar Ilzaam Tak Pohanchay
Kisay Maloom Kis Ka Naam , Kis K Naam Tak Pohanchay

Tere Aankhon K Thukraey Huye Woh Log Thay Shayad
Jo Ik Sharmindagi Honton Pay Lay Kar Jaam Tak Pohanchay

Sabhi Raston Pay Thay Shola Fishaan Halaat K Sooraj
Bohat Mushkil Sy Hum Un Gaisoun Ki Shaam Tak Pohnchay

Kisi Ny B Na Apni Dharkano Mein Di Jagah Jin Ko
Wo Saray Walwalay Mery Dil-e-Nakaam Tak Pohanchay

Saja Kar Aaye Jab Sonay Ka Chashma Apni Aankhon Par
Nazar Hum Muflison Ki Tab Kahan Us Baam Tak Pohnchay

Qateel Aaeina Ban Jao Zamane Mein Mohabbat Ka
Agar Tum Chahtay Ho Shyri Ilhaam Tak Pohnchay..!!

Aankhon Mein Koi Khwaab Utarny Nehe Daita

Aankhon Mein Koi Khwaab Utarny Nehe Daita
Ye Dil To Mujy Chain Sy Marny Nehe Daita

Bichry To Ajab Pyar Jatata Hai Khaton Mein
Mil Jaye To Pher Had Sy Guzarny Nehe Daita

Wo Shakhas Khizan Rut Mein B Mohtaat Rehy Kitna
Sokhy Hye Pholon Ko Bikharny Nehe Daita

Ek Roz Tere Pyaas Khariday Ga Wo Gabro
Pani Tujhy Panghat Sy Jo Bharny Nehi Daita

Wo Dil Mein Tabassum Ki Kiran Gholny Wala
Roothy To Ruton Ko B Sanwarny Nehe Daita

Me Us Ko Manaon K Gham_E_Dehar Sy Uljhon
Wo Koi Kaam B Karny Nehe Daita..!!