Girty Hein Loog Garmi_E_Bazaar Daikh Kar
Sarkaar Daikh Kar Mere Sarkaar Daikh Kar
Aawaargi Ka Shoq Bharkta Hai Or B
Tere Gali Ka Saaya_E_Dewaar Daikh Kar
Taskeen_E_Dil Ki EK He Tadbeer Hai Faqat
Sar Phor Leejiye Koi Dewaar Daikh Kar
Ham B gaye Hein Hosh Sy Saaqi Kabi Kabi
Lekin Tere Nigah K Atwaar Daikh Kar
Kya Mustaqil Ilaaj Kiya Dil K Dard Ka
Wo Muskura Diya Mujy Beemaar Daikh Kar
Daikha Kisi Ki Simat To Kya Gaya
Chalty Hein Raah_Ru Sar_E_Bazaar Daikh Kar........
No comments:
Post a Comment