Mehfilein Lut Gaein Jazbaat Ny Dam Torr Diya
Saaz Khaamosh Hain Naghmaat Ny Dam Torr Diya
Har Musarrat Gham_e_Deros Ka Unwaan Bani
Waqt Ki Goad Mein Lamhaat Ny Dam Torr Diya
Un_Gint Mehfilein Mehroom_e_Charaaghaan Hain Abhi
Kon Kehta Hai K Zulmaat Ny Dam Torr Diya
Aaj Phir Bhuj Gaye Jal Jal K Umeedon K Charaagh
Aaj Phir Taaron Bhari Raat Ny Dam Torr Diya
Jin Say Afsaana_e_Hasti Mein Tasalsal Tha Kabhi
Un Mohabbat Ki Rawayaat Ny Dam Torr Diya
Jhilmilaatay Huy Ashkon Ki Larri Toot Gayi
Jagmagaati Hui Barsaat Ny Dam Torr Diya
Haaye Aadaab_e_Mohabbat K Taqaazay SAGAR
Lab Hillay Aur Shakayaat Ny Dam Torr Diya......
No comments:
Post a Comment