Dil-e-Naadaan Tujhy Hua Kya Hai
Aakhir is dard Ki Dawa Kya Hai
Hum Hain mushtaaq aur woh bezaar
Ya Ilaahi ! Yeh Maajra kya Hai
Me bhi Moonh Mein zabaan rakhta hoon
Kaash ! Poocho K Muddaa kya hai
Jab K tujh Bin Nahi Koi Maujood
Phir Ye Hangaama Ay Khuda kya Hai
Ye Pari Chehara Log kaise hain
Ghamza-o-Ishwa-o-adaa kya Hai
Shikan-e-zulf-e-Ambari Kiyon Hai
Nigah-e-Chashm-e-Soorma sa kya Hai
Sabza-o-Gul kahaan seaaye haiN
Abar Kya Cheez hai Hawa kya hai
Hum ko Un Se Wafa Ki hai Umeed
Jo Nahi Jaante Wafa Kya Hai
Haan Bhala Kar Tera Bhala Ho Ga
Aur Darvaish Ki Sadaa Kya Hai
Jaan Tum Par Nisaar Karta Hoon
Me Nahi Jaanta duaa kya Hai
Me Ne Maana K kuch Nahi 'Ghalib'
Muft haath Aaye to Bura kya hai.......
No comments:
Post a Comment