Andaaz Hu-Ba-Hu Teri Aawaaz-E-Pa Ka Tha
Dekha Nikal Ke Ghar Se To Jhonka Hawa Ka Tha
Us Husn-E-Ittefaaq Pe Lut Kar Bhi Shaad Hun
Teri Raza Jo Thi Woh Taqaaza Wafa Ka Tha
Dil Raakh Ho Chuka To Chamak Aur Barh Gayi
Yeh Teri Yaad Thi Ki Amal Keemiya Ka Tha
Is Rishta-E-Lateef Ke Asraar Kya Khulein
Tu Saamne Tha Aur Tassawwur Khuda Ka Tha
Chhup Chhup Ke Roun Aur Sar-E-Anjuman Hasoon
Mujh Ko Yeh Mashwara Mere Dard Aashna Ka Tha
Uttha Ajab Tazaad Se Insaan Ka Khameer
Aadi Fana Ka Tha Jo Pujaari Baqa Ka Tha
Toota To Kitne Aayina-Khaano Pe Jar Pari
Atka Hua Gale Mein Jo Patthar Sada Ka Tha
Hairaan Hun Ki Daar Se Kaise Bacha
Woh Shakhs To Ghareeb-O-Ghuyoor Inteha Ka Tha ......
No comments:
Post a Comment