Tery Mehndi Lagy Hathon Py Mera Nam Likha Hai
Zara Sy Lafz Mein Kitna Paigham Likha Hai
Ye Teri Shan K Shayaan Nahin Lakin Majbori
Teri Masti Bhari Ankhon Ko Me Ny Jaam Likha Hai
Mein Shayar Hon Magar Agay Na Barh Paye Riwayat Sy
Labon Ko Pankhrri Zulfon Ko Me Ny Sham Likha Hai
Muje Mout Aye Gi Jab Bhi Tery Pehlu Mein Aye Gi
Tere Gham Ny Bohat Acha Mera Anjam Likha Hai
Meri Qismat Mein Hai Ek Din Griftar-E-Wafa Hona
Mere Chehre Py Tery Pyar Ka Ilzam Likha Hai
Ek Khubsurt Bohat Hai Jiska Me Pojari Hon Qateel
Mery Mazhab K Khaney Me Magar Islam Likha Hai..!!
No comments:
Post a Comment