Dil-E-Naadan Tujhe Hua Kiya Hai
Akhir Is Dard Ki Dawa Kiya Hai
Hum Hain Mushtaq Aur Wo Bezaar
Ya Ellahi Yeh Maajra Kiya Hai
Mai Bhi Mu Mai Zubaan Rakhta Hun
Kaash Poocho Ke Mudda Kiya Hai
Jab Ke Tujh Bin Nahi Koi Mojood
Phir Yeh Hangama Aey Khuda Kiya Hai
Yeh Pari Chehra Log Kaise Hain
Ghamza-O-Ishwa-O-Adaa Kiya Hai
Shikan-E-Zulf-E-Ambreen Kiyu Hai
Nigah-E-Chashm-E-Surma Sa Kiya Hai
Sabza-O-Gul Kahan Se Aaye Hain
Abr Kiya Cheez Hai, Hawa Kiya Hai
Hum Ko Un Se Wafa Ki Hai Umeed
Jo Nahi Jaante Wafa Kiya Hai
Haan Bhala Kar Tera Bhala Ho Ga
Aur Darwesh Ki Sada Kiya Hai
Jaan Tum Par Nisar Karta Hun
Mai Nahi Jaanta Dua Kiya Hai
Mai Ne Maana Ke Kuch Nahi Ghalib
Muft Hath Aye To Bura Kiya Hai..!!
No comments:
Post a Comment