Is Ghareebi Mai Guzara Nahi Hota Moula
Ghaib Se Koi Ishara Nahi Hota Moula
Mujh Ko Hijrat Ki Koi Raah Sujha Himmat De
Mujh Se Yeh Shehr Gawara Nahi Hota Moula
Jab Mai Ghar Jata Hun Amboh-E-Masaib Mai Kabhi
Tujh Bina Koi Sahara Nahi Hota Moula
Sochta Hun To Har Ik Simt Samandar Hi Miley
Dekhta Hun To Kinara Nahi Hota Moula
Kuch Na Kuch Phir Bhi Kami Rehti Hai
Chand Hota Hai Sitara Nahi Hota Moula..!!
No comments:
Post a Comment