Behalti Jaye Gi Sarkash Mohabbat Daikhty Jao
Tumhein Duniya Sikha De Gi Siyasat Daikhty Jao
Barry Oonchy Suron Me Baat Karty Ho Mohabbat Ki
Mohabbat Hai Khasaron Ki Tijarat Daikhty Jao
Hum Apny Phool Sy Jazby Bikhairen Gy Fizaon Main
Chalay Gi Hum Sy Khushbu Ki Riwayet Daikhty Jao
Rida-E-Khwab Ko Hum Noor Ki Barish Me Dhoyen Gy
Mohabbat Ko Bana Dengy Ebadat Daikhty Jao
Humari Aarzoon Ko Khuli Parwaz Karny Do
Kary Ga Aasman In Ki Hifazat Daikhty Jao
Hum Apni Aatish-E-Jan Se Jalayen Gy Diye Har Soo
Humary Lafz Baanten Gy Hrarat Daikhty Jao
Abhi To Zeest K Jalty Howe Sehra Me Chalna Hai
Urry Gi Sir Talak Gard-E-Musafat Daikhty Jao.....
