Bhooli Hui Sadaa Hoon Mujhy Yaad Kijiye
Tum Say Kaheen Milaa Hoon Mujhy Yaad Kijiye
Manzil Nahi Hoon Khizr Nahi Raahzan Nahi
Manzil Ka Raastaa Hoon Mujhe Yaad Kijiye
Meri Nigaah-E-Shouq say Har Gull Hai Devtaa
Me Ishq Ka Devtaa Hoon Mujhy Yaad Kijiye
Naghmon Ki Ibtedaa Thi Kabhi Mery Naam Say
Ashkon Ki Intehaa Hoon Mujhe Yaad Kijiye
Gum-Sum Kharri Hain Dono Jahaan Ki Haqeeqatein
Me Un Say Keh Rahaa Hoon Mujhe Yaad Kijiye
"Sagar" Kisi K Husn-E-Taghaaful Shaar Ki
Behki Hui Adaa Hoon Mujhe Yaad Kijiye.....
No comments:
Post a Comment