Choti Se Aik Nao Bananay Ki Dair Hai
Darya K Paar bass Mere Janay Ki Dair hai
Aik Pal Mein Jaag Jaye Ga Soya Hua Mehal
Pher Aik Qadeem Geet Sunanay Ki Dair Hai
Shehzaadi Chal Pary Ge Mere Sath Khud Ba Khud
Uss Se Tu Sirf Aankh Milany Ki Dair Hai
Qaleem Baadlon Mein Uray Ga Hamein Liye Huye
Qadmon Mein Aik Baar Bichanay Ki Dair Hai
Sar Pe Hamaray Ho Ga Parindon Ka Saybaan
Aik Dhoop Ki Kiran Faqat Aany Ki Dair Hai
Aany Lagi Ge Titliyaan Khilny Lagein Gey Phool
Sehraa Mein Ja K Haimaa Lagany Ki Dair Hai
Jugnu Ki Tarah Chand Urry Ga Ird Gerd
Soraj Ki Khwaab Gah Mein Janay Ki Dair Hai
Utrain Gi Pariyan Haath Mein Taray Liye Huye
Nazrein Falak Ki Simmt Uthaany Ki Dair Hai
Hathon Sey Apni Rait Pe Likhti Phery Ge Naam
Hum Kon Hein Hawaa Ko Ye Batany Ki Dair Hai
No comments:
Post a Comment